22. des. - Skíði, jólatré, skautasvell, fréttaspjall, píla

Morgunútvarpið

Við byrjuðum daginn á því að taka stöðuna í Hlíðarfjalli en til stendur að opna skíðasvæðið í dag. Við heyrðum í Brynjari Helga Ásgeirssyni forstöðumanni. Margir nota daginn í dag eða á morgun til að kaupa jólatré, en margir hafa líka tryggt sér tré nú þegar. Til okkar kom Ragnhildur Freysteinsdóttir, umhverfisfræðingur hjá Skógræktarfélagi Íslands, og sagði okkur hvað hafa ber í huga við val á jólatré og líka hvernig er best að halda því lifandi innandyra yfir hátíðina. Áhugafólk um skautaíþróttina á Vopnafirði hefur tekið sig til og útbúið góða aðstöðu fyrir skautafólk. Aðalbjörg Ósk Sigmundsdóttir er ein þeirra sem hafa tekið þátt í þessu verkefni og vakað fram á nætur við að sprauta vatni á svellið. Við hringdum austur og heyrðum af þessu skemmtilega verkefni. Þeir bræður Gunnar og Ásmundur Helgason voru gestir okkar í fréttum vikunnar sem að þessu sinni voru nokkurs konar jólafréttir vikunnar, en þeir bræður hafa haft í nógu að snúast á aðventunni. Vinsældir pílu íþróttarinnar hér á landi hafa farið vaxandi og iðulega mikið að gera á stöðum sem bjóða uppá píluspjöld til almennrar notkunar. Þessa dagana er líka HM í pílu í fullum gangi í Lundúnum og stendur keppnin til 3. janúar. Páll Sævar Guðjónsson lýsir keppninni á Stöð2 sport þessa dagana og hann fór yfir málin með okkur. Tónlist: Prins Póló og Gosar - Jólakveðja. Kacey Musgraves og Leon Bridges - Present without a bow. Ragnhildur Gísladóttir - Lítið jólalag. Stefán Hilmarsson og Jón Jónsson - Jólin (þau eru á hverju ári). Bjarni Arason - Allt er gott um jólin. Friðrik Dór og Jón Jónsson - Jólabróðir. Baggalútur - Ég kemst í jólafíling. Patrik og Luigi - Prettyboi um jólin.