Barn og bøker: Vaksne må skjerpe seg sjølv først om barn skal få opp leselysten

BOBcast

Nyttar det å mase på barn om å lese meir dersom vaksne ikkje gjer det sjølv? Det spør Barn & Bøker i denne siste podkasten i serien om regjeringa sin nye leselyststrategi. I strategien er nemleg ikkje dei vaksne inkludert, men det burde dei, meiner Kari Spjeldnæs, som forskar på lesing og digitalisering. Vi inviterte Spjeldnæs til studio for å prate med Barn & Bøkers barnepanel om at vaksne òg les mindre, men at det likevel berre er fokus på barn og lesing når politikarne skal lage ein plan mot lesekrisa. Medverkande: Kari Spjeldnæs er førsteamanuensis med doktorgrad i lesing og digitalisering, og forskar på kva kontiunerleg digital påkobling gjer med langlesing og konsentrasjon. Ho har òg lang bakgrunn frå forlagsbransjen. Axel Bjare Hundvin (12) og Erika Elida Kvendseth (13) utgjer for tida kjernen i Barn & Bøker sitt barnepanel. Dei er begge skuleelevar.