[38]. Karbi Gospel Song.mp4

==== भारतीय प्रचलित भाषा जिनके एक लाख से दस लाख वक्ता (३०-६०) - "खुशखबरी", "जीवन के शब्द", "इँजील गीत" / / INDIAN POPULAR LANGUAGES THAT HAVE 100,000 TO ONE MILLION SPEAKERS(FROM No.30 TO No.60) - "GOOD NEWS", "WORDS OF LIFE", "GOSPEL SONGS"====

[38]. कार्बी गॉस्पेल सॉन्ग.mp4 // 1 KORINTH 15 - Khristo Kethi Pen Kethur Alam1Lapen nonke, neli nanglitum aphan kepachethangtang lapen nanglitum dengsi kekroithipbom a-Birta Keme alam nanglitum aphan kepachematha-thujisi neli ning hang-lo, kortemarli atum. 2Neli nanglitum aphan kethan-kepachethang alam, atheke birta keme nanglitum jongsi otthipbom tangte, labangso pen ajok nanglitum kejok long-lo. Bonta jongsi lapuson kali tangte, nanglitum kroinak-lo. Bonta nanglitum akekroi jongsi ahok kali tangte, nanglitum kejok longledetji. 3Neli kelong ake-nangsotnei alam, atheke hastro along ketok atengsi Khristo ilitum apap hei hei pen apot thilo pu alamsi neli nanglitum aphan thanlo. 4Atheke alangliphan pipdet-lo lapen nithom aphi parengthusi pathurlo; 5lapen alangli Pitor aphan cheklang-lo, lapen labangso aphi alangli ketoitang bangkrehini atum aphan cheklang-lo. 6Labangso aphi alangli alangliphan kekroi bang pharopho sose atum aphan elongpet adim cheklang-lo. Halatum angbong ongmuchot atum non anta reng-etbomlang, bonta penang atum ke amek jangpametang-lo. 7Labangso aphi alangli Jems aphan cheklang-lo lapen labangso aphi alangli ketoitang atum an aphan cheklang-lo.8Kadokave aphisi alangli neliphan, atheke ahut chokche ako amahang kethek ason abang aphan cheklang-lo. 9Pima ketoitang atum angbong akebinei abang neli helo. Neli ke ketoitang abang pu amen kelongji a-otta ave, pima neli Arnam amondoli mate kroi-asong aphan chenek-lo. 10Bonta Arnam akangjinso pen ajok pini neli lapuson plang-lo, lapen alangli neliphan nekepi akangjinso ale avedet-lo, lapu kali. Athe pima, ketoitang atum an apar neli kam keklem chepadukmulo; bonta lake neli methangle keklem kali, neli long kedo Arnam akangjinsosi la klemlo. 11Tangte lahelo, neli tame, kalite halatum settame, nelitum kadokaveta la esonpet alamsi than-pachethang-lo lapen nanglitum labangso alamsi kroilo.