Rumboia 189 – Orquestra Os Modernos – Dissimulem (2015)(13.11)

RUMBOIA RadioFusión

A Orquestra Os Modernos nace no ano 2010 da man de Alonso Caxade, Lois Mouriño, Joám Casas, Xosé Tunhas, Carlos Osorio e Manolo Guldrís coa intención de imaxinar como podería ter sido un estilo de música que xuntara a música tradicional, a música propia das bandas populares e as músicas foráneas que estaban de moda nos anos 20. O resultado foi unha orquestina na que os instrumentos que soaban eran o bombardino, o saxofón, o clarinete, a gaita, a caixa e o bombo con pratos. E as músicas que se escoitaban, todas elas de carácter bailable iban desde muinheiras , xotas e pasodobres ata ritmos foráneos coma o foxtrot, a rumba, o charleston ou a habanera, todo elo con grandes pinceladas de humor e interacción co público. No ano 2012 sumouse a esta Orquestra a voz e a interpretación de Iria Pinheiro, no papel de cantante e diva glamurosa, engadindo ao apartado musical grandes doses de espectáculo cabareteiro e humor. Posteriormente o grupo sufre varios cambios na súa formación, que inflúen notablemente no son e no estilo dos Modernos. Con esta nova formación gravan no ano 2015 o que sería o seu único traballo discográfico, o disco chamado Dissimulem, no que se recollen as músicas que ata de aquela a Orquestra levaba interpretando por diversos escenarios de toda Galiza. No ano 2016 a Orquestra Os Modernos recibe o Premio Martín Códax da Música na categoría de Orquestras e música de verbena, o que supón un importante galardón á súa contribución á música de baile con raíz tradicional.