Sendingin er ikki á skránni í útvarpinum í løtuni. Væntandi byrjar sendingin aftur fyrst í 2015. Kringlan er barnaútvarp, ið snýr seg um núlig evni ella fer í dýpdina við einum ávísum evni. Tá Barnaútvarpið hevur temaviku, verður vikan ofta longd við Kringluni. Ein partur av Kringluni er Kringlusvararin, har børn kunnu ringja inn og ynskja sær eitt lag. Ynsk tær eitt lag Telefonnummarið hjá Kringlusvararanum er 342089, og tað eru bara børn, ið sleppa framat. Søgan Kringlan hevur verið til síðan ár 2006, tá Sjónvarp Føroya og Útvarp Føroya blivu til Kringvarp Føroya. Kringlan er uppkallað eftir Kringvarpinum, men navnið er eisini valt, tí at sendingin er so fjølbroytt - at hon kann kringla seg, tað er benda og snara sær allar møguligar vegir.